El Sistema de Zonas

La fotografia de kalotipo esta relasionada kon el Sistema de Zonas de Ansel Adams. El konsepto tekniko del kalotip fue prezentado en 1839 por W. H. F. Talbot i el Sistema de Zonas se dezvelopo en la dekada de los kuarenta del siglo pasado. Estas dos teknikas no tenian en su orijen dingun atadijo entre eyas. La mayoria de los fotografos de oy dia ke produsen kalotips pretenden consigir kopias ke tengan la eksprezion de estos esmpesijos. Aki trato solo del konsepto bazico de kalotip, ansi ke el material ke uzo es de una kalidad normala. Si se amplian los negativos del kalotip, las kopias tendran una vizion suave i nunka seran klaras. Ama, prefero las imajenes claras, por lo ke solo realizo kopias de kontakto. La repercuzion que tiene es fundamentala para el prosedimiento de ekspozision del negativo. En komparasión con el prosedimiento klasiko, las kopias de kontakto demandan una ekspozision muy prechiza. Esta es la kavza de ke aya introdusido el Sistema de Zonas en mi proseso para krear un kalotip.

La baza del Sistema de Zonas es la funksionalidad del fotometro fotografiko. Un fotometro de nivel tekniko es un medidor de voltios ke mide la tension elektrika en un sirkuito. Kada fotometro tiene su kalibrasion. Un fotometro aporta valores (f-stop, tiempo de disparo) para produsir una kopia de las denominadas de “griz medio”, esto es una superfisie de 18% de reflektansia de la luz. En munchos kavzos funksiona bien con objetos ke reprezentan una eskala kompleta de diferentes tonos de griz. La ovra El Parasol, que es amostrada a la derecha, del famozo pintor Francisco Goya reflekta esta situasion. En situasiones ansina, un fotometro ofresera los valores apropiados.

El sigundo eenshemplo es un otoretrato de Goya. El fondo es preto i la facha okupa solo ke el 33% de la pintura. En desparte ke, la facha prezenta un valor relativamente mat. Un fotometro ke okupe la shena kompleta rekonoseria una superfisie total escura i puede ser ke valores ke darian como resultado una facha demasiado brilyante en la kopia. Para obtener unos valores korrektos, seria mas mijor mizurar solo ke la facha. La piel evropea se reflekta entre dos i kuatro veses mas brilyante ke el “griz medio”, lo ke sinyifika 1 o 2 pasos mas de avertura de diafragma. Si tenemos en kuento solo el valor de la facha de manera selektiva i korijamos las mizuras en sigiendo estos valores, entonses la kopia amostrara en su totalidad una eskala korrekta de tonos grizes.

En los kalotips ke uzan un papel moderno como de filmo, la gradasion del negativo es ekstremadamente eksesiva. Si kontinuamos el Sistema de Zonas de Ansel Adams, en avlando de puntos de diafragma (f-stops), un filmo de papel no alkansaria 4 puntos de avertura del diafragma, dezde el preto al blanko en komparasion con un filmo de gradasion N (normal). Un filmo tan ekstremadamente eksesivo no se rekomienda para las shenas iluminadas con luz solar brilyante. Una pedrida de valores en las solombras y luzes es inevitable. Depende del otor desidir ke valores seran reprezentados en la kopia i kualos se pedreran. El fundamento artistiko de esta klaza de kalotip es su ekspresion a traverso la reduksion.

Es demenester konoser de manera prechiza la kapachitad de todo el prosedimiento fotografiko, especialmente del negativo. El Sistema de Zonas kontribuye a aportar los valores de griz de la kopia de manera prechiza i predesible.

Thomas Weber - Fotografia