Thomas Weber - Fotografia

Idioma:

---

• Kalotip
• Proceso Híbrido
• El Sistema de Zonas
• Negativo
• Positivo
• Kamara
• Revelasion del filmo

Aspektos teknicos del negativo:
El negativo deve ser un papel fotografiko rekubierto de plastik. Este papel PE ofrese un mas mijor alisamiento ke el papel baryt. Este papel deve tener una gradasion fiksa.

Respekto a la velochitad i gradasion, este negativo de papel se diferensia mncho si lo komparamos kon el negativo moderno de filmo analojica. Para mizurar estos faktores uzi el Zone System de Ansel Adams, dezvelopado en la dekada de los kuarenta del siglo XX i que se kontinua ambezando fin la aktualidad en las universidades americanas. Uzi 9 DIN / 6 ASA y N+3 gradasion. Es menester uzar una klaza de papel de gradaison 1 ke despues a traverso una teknica con un revelador suave achika a gradasion 0. Un filmo moderno de una gradasion normal ofrese una valor de 11 diafragmas para produsir una escala de tonalidades kompletas del griz, desde el preto al blanko. Un papel negativo solo puede abarkar un maksimo de 8 diafragmas. Se aze espesialmente difisil obtener fotografias basho unas kondisiones de luz brilyantes. Es menester un lavoro de alta prechizion ansi ke la dechizion desde el punto de vista artistiko, ke parte ke el objeto deveria reprezentarse en la imprezion i ke tiene ke atenuarse en blanko o preto. En desparte ke, el papel fotografico con gradasion fiksa es solo sensible a la luz mavi. Por tanto, la eskala de tonalidades de grizes del objeto nunka se reprezentara en una manera naturala. I, komo los negativos de papel piedren velochitad entre 2 a 3 diafragmas en las oras delkavo del dia.

Eskaneo del negativo:
Es klaro ke es posible eskanear el negativo i emprimarlo como un positivo kon el ayudo de software, ama kale tener en kuento dos kozas: los eskaneres planos no amostraran la estruktura fibroaa del papel a la sensasion taktil del papel baryt difisilmente puede ser kopiada por una imprezora dijital.

Kalotip frente a kalitipia:
El prosedimiento de kalotip prezentado por Talbot 1839 no deve konfuzionarse kon la kalitipia patentada en 1889. La kalitipia fue komun en Evropa fino la dekada de los veinte del siglo XX. En los anyos delkavo se produsho un arebivimiento de este prosedimiento mediante la integrasion de la teknolojia de TI. La baza es un negativo de chiko enkuadre o archivo (fotografia dijitala) que se empremira komo un negativo de gran format para la imprezion de kontakto. Aun ke, la eksprezion artistika de una kalitipia no es komparable con un kalotip moderno que sige estriktamente el konsepto de 1839.