Thomas Weber - Fotografia

Idioma:
alemán inglés español árabe sefardi


Aachen Efeuhäuschen 1977 Venezia 1981
Aachen 1977
6x6-Negativo
Venezia 1981
6x6-Negativo
Burg Plesse 2003 España Granada 2005
Burg Plesse 2003
Kalotip
España Granada 2005
Kalotip

Aedado de kinze anyos me aregalaron por la Natividad una kamara „reflex“. Para mi era plaziente azer fotos de las flores del jardin familyal i era un eskopo ir amijorando kada anyo i anyo. La vizion de analiza ke dezvelopi turante estos anyos la konservi komo baza futura de mis aksiones fotografikas.

En 1973 komensi mis estudios de Jeografia en Aquisgrán. La Jeografia me enkantava i azerme profesor supozava para mi una buena baza de mi entusiazmo para ambezar fotografia. Mi lavoro relaksionado kon el sistema Zonen del fotograf amerikano Ansel Adams (enlase a "Mi Konsepto") me izo arivar a muevos orizontes. Sus fotografias me avrieron la posibilitad de endjuntar la perfeksion teknika del blanko y preto emprimidos edjuntos la eksprezion artistika. Es por esto ke troki a una kamara de 2 ¼ pulgadas kuadradas. turante mi estadia en Aquisgrán komensi mi viaje a la bushkedad de kavzas fotografikos a lo largo de toda la Italia i, mas tadre, en Sefarad, Espanya.

En 1983 komensi mis estudios de Sensias Agrikolas ansi ke Antropolojia Sosiala en Göttingen. Fue en Aquisgran onde komensi a komprender a los famozos pintores del Renasimiento italiano ke me izieron amuchiguar mi vizion, en desparte de mi gia, ken era Ansel Adams, aun ke aktualmente bushko la inspirasion huera del kampo de la fotografia. El viaje de tres mezes i medio que realisi por todo Mejico i la Amerika Sentrala me arempusho para estudiar i el arte de esta rejion (enlase a "Mi Konsepto").

En 2002, merki una kamara fotografika de 4 x 5 pulgadas de gran format. Para evitar kostes i debido a mi formasion, komensi kon la teknika del kalotip (enlase a mi rezumen "Kalotip"). Los primeros rezultados fueron de basha kalidad, komo akontesio kon algunas de las primeras fotografias del siglo XIX. Mersi a un kalkulo prechizo del Zone System reushi a tener la kalidad a la kuala uzava de azer. La primera faza de mi lavoro kon la teknika del kalotip fue amostrada en la ekspozision "Burg Plesse" (Castle Plesse, nord de Göttingen) en la Kaza de la Kultura de Göttingen e.V. (Sentro de Ekspozisiones de arte de Göttingen).

En 2003, realisi mi primer viaje a la Andalusia. Inspirado por el romanso istoriko de Tarik Ali (enlase a "Mi Konsepto" y "Bibliografia"), me adresi verso los orijines okultos de la erensia islamika. En mi primer viaje yevava konmi mi cámara de 2 ¼ pulgadas kuadradas, ama en delantre uzi la de gran format. En Al-Andalus, mi bushkida se orientava verso la singular simbiosis de las rayizes de la Evropa meridionala i orientales-moriscas. Topi djentes i konstruksiones maravillozas ansi ke asombrozos paisajes, ke fueron fuente de inspirasion kontinua.

© Thomas Weber 2010 - 2017