Thomas Weber - Fotografia

Idioma:
alemán inglés español árabe sefardi


Lacock Abbey
Source: Wikipedia

W. H. Fox Talbot:
The first Negative-Positive process

„In copying engravings &c. by this method, the lights & shadows are reversed. ... the picture ... may be afterwards itself employed as an object to be copied & by means of the second process the lights & shadows are brought to their original disposition. ...“ (más)
Source: Royal Society London

Patent Calotype of 1841

El kalotip es un prosedimiento ke se aremonta al empesijo de la fotografia. Es el primer uzo del prosedimiento negativo-positivo. El negativo es en realidad un papel fotografiko i no un filmo o una plaka de kristal. El papel fotografiko se ekspoza en la kamara i de esta forma funksiona komo un negativo. La eksprezion troka muncho en komparando los negativos normales siendo ke la kalidad ansi ke la ekstruktura del papel reperkute en la imprezion.

Negativo (fotopapel) Positivo
Negativo (fotopapel) Positivo

Por enshemplo, lo ke se identifika komo un sielo enuvlado puederia ser la estruktura fibroza del papel. En esta web, las fotografias prezentadas kontinuaron kon el prosedimiento de 1839, lavoradas kon un material moderno. Las fotografias amostran una alta kalidad kon la epoka dorada de los tiempos ke pasaron ay ya unos 150 anyos i ke produsen un efekto espesial en el espektador.

Endjunto al dagerrotip, el kalotip es el prosedimiento fotografiko uzado mas antiguo. Al empesijo del siglo XIX, se realisaron intensas investigasiones para trokar la Kamara Eskura en un instrumento para resibir imajes turaderas de la realidad.

El fransez Niépce deskuvrio los fundamentos kimikos del proseso fotografiko en 1820. Ama no fue fin su kooperasion kon Daguerre kuando la investigasion arivo fin un prosedimiento kon reushidad. En 1839, Daguerre publiko su prosedimiento fotografiko en la Académie Française. El eskozes William Henry Fox Talbot avia ya dezvelopado su propio proseso sin tener idea del lavoro de su haver.

Talbot yamo a este prosedimiento Kalotip. En grego antiguo, kalos sinyifica beyesa i los resultados amostran fotografias desinadas avagar avagar en las ke la djente de esta epoka las vinculava mas con pinturas ke kon las fotografias agudas de kristal de Daguerre. Mas adelantre, Talbot prezento su prosedimiento el mismo anyo endelantre de la Royal Society de Londra. Ansi ke a la mitad del siglo XIX eksistian dos prosedimientos fotografikos komparables, malgrado ke el proseso negativo-positivo de Talbot sovrebivio a traverso de la fotografía analojika.

El prosedimiento de kalotip o el modo de fotografia Talbot fueron perfeksionados por Thomas Weber en uzando material moderno. Sus fotografías son reprezentativas de una alta kalidad del material aktual ama amostran la grasia i la alma de un tiempo ke ya no era mas.

© Thomas Weber 2010 - 2017